مصر.........ام الدنيا

مَصْر [mɑsˤr]

اسم الدوله: جمهورية مصر العربيه
(علم الدوله) (شعار الدوله)


اسم البلد مصر
اسم الدوله الحاليه جمهورية مصر العربيه
اللغه الاُم مصرى (68%), صعيدى (29%), بدوى (1.6%), سودانى (0.6%), نوبى (0.3%), دومارى (0.3%), Beja (0.1%)‎, سيوى
لغة الدوله الرسميه عربى قياسى حديث
العاصمه القاهره
اكبر المدن القاهره
المجموعات العرقيه 99% مصريين, 0.3% نوبيين, 0.7% يونانيين
الرئيس محمد حسني مبارك
رئيس الوزرا احمد نظيف
المساحه

- المجموع


- المايه متصنفه الـ30 عالميا

1,002,450 كلم²


0.632%
السكان

- المجموع


- الكثافه متصنفه الـ 16 عالميا

75,500,662


74/كلم²
الناتج المحلي الإجمالي

- المجموع
- بالقيمه الإسميه


- ن.م.إ/فرد
471.509 بيليون دولار[1]

187.956 بيليون دولار[1]


2,450.5 دولار[1]
الاستقلال 29 فبراير 1922 م من بريطانيا
الجمهوريه 18 يونيو 1953 م
العمله
رمز العمله (ISO 4217) جنيه مصري
EGP
فرق التوقيت UTC ‎+2
النشيد الوطنى بلادى بلادى بلادى
رمز الانترنت الدولى (TLD) ‎.eg
كود التليفون الدولى ‎+20
مصر, (الإسم الرسمى للدوله الحاليه هو جمهورية مصر العربيه من سنة 1971, اسامى الدوله قبل كده كان من ضمنها السلطنه المصريه و المملكه المصريه و الجمهوريه المصريه و الجمهوريه العربيه المتحده, فيه بيطالبو بالرجوع لإسم الجمهوريه المصريه أو جمهورية مصر).

مصر بلد موجوده فى شمال شرق قارة أفريقيا, بيحدها من الشمال البحر المتوسط و من الشرق البحر الأحمر مساحة مصر حوالى مليون كيلومتر مربع. مصر دوله أفريقيه بس فيه حته من أراضيها, اللى هيه شبه جزيرة سينا, فى قارة اسيا.

مصر ليها حدود من الغرب مع ليبيا و من الجنوب مع السودان و من الشمال الشرقى مع إسرائيل و قطاع غزه, و البحر الأحمر بيفصلها عن الأردن و السعوديه, و قناة السويس اللى بتفصل جزءها اللى فى اسيا عن اللى فى أفريقيا.

مصر عدد سكانها من أكبر تعدادات سكان الدول فى أفريقيا, و حسب اخر التقديرات, عدد سكان مصر عدا الـ80 مليون انسان, و ترتيبها بييجى نمره اربعتاشر على مستوى العالم من حيث عدد السكان, بيعيش اغلبهم على ضفاف النيل اللى مساحة الوادى بتاعه حوالى 40,000 كيلو متر مربع. الصحرا بتشكل أغلب مساحتها و هى مش معموره. معظم السكان فى مصر (حوالى نصهم) دلوقتى من الحضر بيعيشو فى مدن, ربعهم فى مدينة القاهره, أكبر مدينه فى افريقيا و الشرق الأوسط و كمان فيه نسبه كبيره فى مدينة اسكندريه و فى الدلتا. مصر ليها شهره عالميه بسبب تاريخها من أيام الحضاره المصريه القديمه اللى سابوا لمصر و للعالم اروع الاثار زى اهرامات الجيزه و ابو الهول و معبد الكرنك و وادى الملوك فى مدينة الاقصر. مصر كمان ليها دور مهم جداً فى الشرق الأوسط و خصوصا على المستوى الثقافى و السياسى.